نبذه عن الفنون

                                                                     ===========



 _من انواع الفنون :

- تصوير زيتى :

 يشبه التصوير الفتوغرافى ولكنه مرسوم اى نقل الاشياء ودا اللى ممكن تشفوه ف اغلب المعارض واللوحات ,مش بيقتصر ع النقل بس لكن ممكن رسم خيال او حاله معينه .

-التصوير الجدارى :
ودا له انواع زى ( الزجاج المعشق -الموزاييك او الفسيفساء ), الزجاج المعشق : اللوحه الفنيه بتتعمل من خلال الزجاج بيتكسر باشكال معينه وادوات معينه . الموزاييك او الفسيفساء : دا فن استخدام المكعبات الصغيره ف عمل التصميمات او اللوحات المكعبات بتبقا عباره عن صخور او بلاط او سيراميك او معادن . ودا ممكن تشفوه غير ف اللوح الفنيه ف الديكورات او تصميمات السيراميك والمطابخ و الارضيات .

-فن الحفر والطباعه :
 دا له انواع (الحفر ع الخشب -الحفر على زنك) ,:الحفر ع الخشب (غائر/بارز) يتم عمل اللوحه الفنيه بطريقه الحفر على انواع معينه من الاخشاب .:الحفر ع الزنك : يتم فيه الححفر على الواح من الزنك .كل نوع له طريقه الحفر الخاصه به وادواته الخاصه .بعد اتمام عمليه الحفر يتم طباعه العمل باستخدام احبار خاصه ويتم عرض العمل الفنى من خلال النسخ المطبوعه وليس لوح الحفر .

-فن التصميمات :
 ودا المصمم بيقوم بتصميم اى شئ حسب مجاله زى ( اللوجوهات -البوستر-اثاث -ملابس -شخصيات - مواقع- دعايه واعلان -العاب .......)

-(digital painting):
دا الرسم باستخدام البرامج من اهمها (photoshop-illustrator) عن طريق الرسم على تابلت وباستخدام قلم خاص .

-فن النحت :

دا الشائع فيه انه نحت التماثيل فقط لكن يستخدم النحت ف الديكورات والنقوش و الاكسسورات والناس اللى بره بتعاملو مع النحت صح بيستخدمو وبيكون اساسى لما بيعملو افلام الانيماشن يتم تصميم الشخصيه ونحتها لانه اساس(3d) ولى تصميم لمنتج سيارات او علب ....
                                 ==========================================

 *-من الخامات اللى ممكن تستخدمها:
           ++++++++++

-الوان الزيت :ودى الوسيط بتعها زيت خاص بالرسم بيترسم بيها على توال او على خشب

-الوان باستيل:

عامله زى الطباشير باظبط وفى منها اقلام

-الوان مائيه :

ودى الوسيط بتعها المياه وليها انواع:(اكواريل- ايكولين- اكريليك- جواش) الوان الميه بتحتاج انواع اوراق تقيله متوسط حجم الورق 300 جم وخصا الوان الاكواريل لاننا بنرسم بميه اللون ولها نوع ورق خاص بيكون مصنوع من القطن او نسبه القطن فيه عاليه

-الفحم:

بترسم بالفحم بس بيبقا معالج ,فيه منه اصابع فحم وف منه اقلام

-الحبر:

احبار للطباعه -حبر شينى-احبار ملونه

-قلم الرصاص:

بتحتلف درجاته من حيث الخفه والتقل ع حسب رقم القلم القلم العادى بيقا رقمه HB كلما ذاد B زاد تقل القلم ,كلما زادHكلما خف القلم
.....3B<2B<B<HB>H>2H>3H ...
                                 __________________

 *الاسكتشات:

معنها لوحه توضيحيه او رسم مبدئى

من انواع الاوراق اللى ممكن نستخدمها عمتا ف الرسم :ورق الكانسون ابيض او ملون- ورق كرافت- ورق جرايد(ورق الجرايد هو ورق الجرايد اللى احنا بنقراها بس قبل الكتابه عليه يعنى الورق ساده)وممكن يترسم ع الورق المكتوب لكن في مرحله متقدمه
__________________
                                         ===========================

-- بالنسبه لتبسيط الرسم: اللى ممكن اقدر اقوله ...

ان اى رسمه ايا كانت بيكون اساسها اشكال هندسيه فممكن نتخيل الشكل الى قدامنا ممكن نبسطه لايه من الاشكال الهندسيه عشان اقدر ابسطه ع نفسى وبعد كدا ادخل ف تفاصيل الشكل

اهم حاجه ف الرسم عينك لازم تبص كويس ع الحاجه اللى قدامك ,ف طريقه غير انك تبص ع الخط المرسوم ومحاولت تقليديه ممكن نبص ع الفراغ بين الخطوط ممكن يسهل الاول

عمتا ف الرسم وانت بترسم ارسم الكتله العامه للى قدامك ومتبداش بالتفاصيل

حاجه تانيه وانت بترسم كل فتره اثناء الرسمه ابعدها عن عنيك مسافه كفايه عشان تقدر تشوف الغلطات لان العين بتتعود ع للى قدامك ومش هتقدر تميز
                                       

                                        ++++++++++++++++++++++++++++++

 _ بالنسبه للتظليل :

هو اللى بيحول الشكل من 2d الى 3d,بما ان اساس اى رسمه هو شكل هندسى فالاهم معرفه كيفيه تظليل الاشكالى دى, واولا لازم تحدد مصدر الضوء جاى من انه اتجاه

-عن تظليل الكره :عشان يكون سهل انها تبان بنظلل ف اتجاه كروى يعنى وانت بتظللها متظللش بالطول او العرض عشان نقدر نبين الفورم بتعها , ع حسب اتجاه الضؤ بتتحدد كيفيه التظليل اكتر جزء بيكون عليه اكتر الاضاءه طبيعى بيكون اكتر جزء ملون ولو الشكل ابيض ممكن متظللش الجزء اللى جاى عليه اضاءه اكتر , ف اخر الكوره الجزء الملامس للسطح المسنوده عليه المفروض انه يبقا اكثر جزء مظلم لانه ف الاخر وبعيد عن مصدر الضوء لكن مش بيبقا مظلم اوى نتيجه انعكاس السطح اللى تحته لكن اكتر جزء مظلم بيكون اللى فوقه مباشرتا

-عن الاسطوانه:هيتحدد مصدر الضوء وبرضو اغمق جزء فيها مش هيكون اخر جزء بيكون قبله بحاجه بسيطه ودى عشان تديها الاستداره بتعتها

عن المكعب او الشكل الهرمى :بما ان لهم احرف في نظريه بتقول :ان اقرب جزء للعين ف اتجاه النور بيكون افتح جزء واقرب جزء للعين ف اتجاه الظل بيكون اكتر جزء مظلم

               ________________________________________________________________

 

لوحه زيتيه



 

 

رسم بالوان باستيل

 

فسيفساء

 

زجاج معشق

 

الوان مائيه (اكواريل)

 

حفر على زنك

 

حفرعلى خشب



 

مثال توضيحى بسيط لعمليه الطباعه

 

 توضيح للتظليل